بسم الله الرحمن الرحيم
السلام عليكم ورحمة الله وبركاته
هذي قصيده لشخص يمدح بنات المغرب:
ياللي تنشّد عن علوم الذي طاف.......كل البحور وكل دولة وديرة
خذ من علومي علم أوصافه أوصاف......جزلٍ سمين يشتعل له سعيره
الزين عقب المغربيات ينعاف........غيدٍ لهن بالزين ذكره وسيره
فيهن حلا طاغي ولين وتعطاف.......وفيهن حنانٍ يشعل القلب غيره
حلوات وصف وفاهماتٍ بالاعراف........زينات منطق صافيات السريرة
بنات قومٍ طيبهم غصب ينشاف.........اولاد مغرب بالليالي العسيرة
ياللي تنشّد عن علومي بالانصاف........هرجي يكفي صامله عن كثيره
الزين في لميا وتغريد والطاف.........ماهوب في حصة وكشرة منيرة
هذا الرد من بنات السعوديه:
قال الذي في بدع الأمثال صرّاف....... جزلٍ يفرق بين درهم وليره
ياللي مدحت المغربيات بجحاف........ الله يجيرك من عماة البصيرة
لو تعجبك لميا وتغريد والطاف........ مايصلحن لهل الوجيه السفيره
مفصخات ولبسهم حول الارداف....... وبليس أغواهم بكشف الستيرة
متعوداتٍ كلهم زيف وخفاف......... على التغنج والتعطف وغيره
كل يوم مع صاحب ولافيهم أعفاف......... خويّهم اللي فلوسه كثيره
ترى البضايع عدة أشكال واصناف..... وكلٍ ينوخ وسط سوقه بعيره
عز الله ان الطيب في بنت الاشراف.... اللي على الحشمه تربّت صغيره
ولا تبيّن منّها كود الاطراف........ مثل القماشه فالبحور الغزيرة
ياللي تدوّر بالجواهر والاصداف........ الزين كله في بنات الجزيرة
لكم مني أجمل وأرقى تحيه
الأربعاء يونيو 04, 2008 1:34 pm
